Prsidenti Ilir Meta i ka drejtuar një apel forcave politike që të kandidojnë në zgjedhjet e 25 prillit figura të reja. Meta tha se e rëndësishme është që në zgjedhjet e ardhshme të kandidohen emra që s´kanë lidhje me ligjin e dekriminalizimit.
“Duhen figura të reja, të papërlyera, jo subjekte të ligjit të dekriminalizimit. Duhet të kandidojhen figura të reja që nuk kanë frikë të shfaqen para kamerave, që të punojnë në interes të opinionit publik dhe shqiptarëve”, tha Meta.
Kreu i Shtetit gjithashtu ka vënë theksin te transparenca, për të cilën tha se ajo ndihmon dhe rrit besueshmërinë dhe garancitë.
Komentet Presidenti i bëri gjatë një konference pr mediat nga Vlora, ku po zhvillon një vizitë.
Duke folur për koncensionet, Kreu i Shtetit tha se është e vështirë që sot të gjendet qoftë edhe një koncension që realisht i ka shërbyer interesit publik.
