Një 10-vjeçare humbi jetën sot si pasojë e një aksidenti tragjik. Fëmija u përplas nga një makinë, ndërsa po luante para banesës ku jetonte me qira. Ngjarja ndodhi rreth orës 12:30, në rrugën “Njazi Meka”.
Policia njoftoi se mjeti me drejtues Alban Guri, aksidentoi këmbësoren e mitur me iniciale A.P., 10 vjeçe, e cila si pasojë e plagëve të marra, ndërroi jetë në spital.
Nga raportimet mësohet fëmija ishte duke kaluar rrugën, bashkë me një fëmijë tjetër, për të blerë diçka në një dyqan aty afër.
Familja e së miturës kishte vetëm katër ditë që kishin ardhur për të jetuar në këtë zonë.
Ata ishin katër fëmijë dhe jetonin me babain e tyre, pasi prindërit ishin të divorcuar.
Shoferi i cili është shoqëruar në Komisariat pas aksidentit ka deklaruar se nuk e ka parë vajzën, pasi nuk kishte fushëpamje.
