Kryeministri Edi Rama ishte sot në Lezhë, një nga qarqet më të prekura nga përmbytjet e ditëve të fundit. E ndërsa fillimisht u shpreh se me sasisnë e reshjeve që ka rënë edhe Parisi do të përmbytej, Rama më pas u ka kërkuar banorëve të mos qahen pasi në 2010, mijëra familje u zhvendosën në palestra.
“Kemi hapur 40 km kanale, janë 10 shpia, po e mbani mend sa ishin përmbytur në 2010? E pra mos u qani”, u shpreh Kryeministri, i shoqëruar nga Kryebashkiaku i Lezhës, Pjerin Ndreu dhe zyrtarë të tjerë.
Rama u shpreh se falë investimeve të bëra, gjendja aktuale sipas tij nuk mund të krahasohet me përmbytjet e kaluara.
“E mbani mend që keni fjetur të palestrat e shkollave në 2010. Falë punës intensive, pastrimit të kanaleve gjendja është më mirë. Nëse kanali nuk do të ishte pastruar atëherë do të shihnim se çfarë do të thotë përmbytje për shkak të njeriut”, tha Rama.
Po ashtu kryetari i Bashkisë së Lezhës tha se edhe bagëtitë janë evakuuar
“Më çfarë keni parë në të kalumen nuk duhet me u qa”, tha më tej Rama teksa vijoi takimet me banorët e zonës.
