Ish-Kryeministri Sali Berisha ka reaguar ashpër ndaj një video që ka qarkulluar prej mbrëmjes së djeshme, ku në një nga restorantet luksoze në Dubai, shfaqen duke darkuar në prani të biznesmenit Samir Mane, ministrat Arben Ahmetaj, Belinda Balluku, këshilltari i Edi Ramës, Endri Fuga dhe nënkryetari i Bashkisë së Tiranës, Arbjon mazniku.
Berisha shkruan se narkoqeveritarët hajdutë e të pashpirt, Ahmetaj, Balluku, Fuga, Mazniku etj zhgërryhen në restorantin më të shtrenjtë të vendit më të shtrenjtë të rruzullit.
Sipas Berishës, në restorantin “El Nustret” në Dubai, një byftek i thjeshtë kushton mijëra euro, kurse invalidët nuk marrin shpërblimin e as dhe pensionet dhe dhjetra mijëra qytetare janë të përmbytur.
“Derrave të kënaqur nuk ua ndjen për sokratet e vuajtur. Pashpirtësi”, shkruan Berisha, duke publikuar edhe pamjet nga darka.
