Të paktën 27 familje në Lezhë, që rrezikoheshin nga përmbytjet, janë evakuar nga banesat e tyre.
Nga reshjet e dendura që kanë përfshirë vendin gjatë ditëve te fundit. janë përmbytur 2800 hektarë tokë bujqësore në fushën e Zadrimës, Zejmenit, Rrilës, Tales, Shënkollës.
Prurjet e shumta të përrenjve kanë shembur urën në fshatin Kalivaç. Prej 2 ditësh ishte e rrethuar nga uji, por sot është shembur totalisht.
Kjo urë bënte lidhjen e banorëve në fshatin Kalivaç të njësisë administrative Ungrej në Lezhë më qytetin.
Shembja e saj dhe i aksit rrugor Kallmet-Ungrej nga reshjet kanë shkaktuar problematika të mëdha për banorët e fshatit Kalivaç. Një pjesë e tyre është tërësisht e izoluar me qendrën urbane të Lezhës.
