Zbulohet kompania që iu përgjigj kërkesës së KQZ për vlerësimin mbi kostot e përdorimit të sistemit të pajisjeve të identifikimit elektronik të zgjedhësve, në zgjedhjet e 25 prillit .
“SMARTMATIC WORLDWIDE HEADQUARTERS” është kompania me qendër në Londër, e cila ka paraqirur një ofertë konkrete në KQZ, ndonëse 6 kompani kishin shfaqur interesimin. Mësohet se kostoja që duhet të paguajë Shqipëria ndaj kompania për realizimin e projektit është 20.723.000$.
Kompania ka profil specifik që prej vitit 2000 për prodhimin e sistemeve të votës elektronike, të përdorura në vende, si Estoni, Filipine, etj, si dhe në përdorimin e kësaj teknologjie në primaret Presidenciale Republikane.
“Smartmatic është një kompani shumëkombëshe që harton dhe vendos zgjidhje teknologjike që synojnë të ndihmojnë qeveritë, në mënyrë që ata të mund të përmbushin përgjegjësitë e tyre ndaj qytetarëve të tyre në mënyrën më efikase.
Ne jemi një nga ofruesit në mbarë botën të teknologjisë më të përparuar, me një histori të gjatë dhe të provuar në Shtetet e Bashkuara, Azi, Afrikë, Amerikën Latine dhe Karaibet.
Me mbi 400 punonjës në të gjithë botën, përparësia kryesore e Smartmatic qëndron në teknologjinë dhe përvojën e saj më të përparuar në tre fusha kryesore: zgjedhjet, menaxhimi i identitetit dhe zgjidhjet e Qyteteve të Zgjuara”, thuhet në faqen e kompanisë.
