Laçi ka arritur një fitore të madhe 3-2 përballë Partizanit. Ishte ish-sulmuesi i të kuqve, Mazrekaj, autor i dy golave dhe “vrasësi” i demave, në një sfidë që dhuroi emocione të shumta.
Zgjedhja e teknikut të Laçit Shpëtim Duro për ta nisur takimin me Mazrekajn rezultoi vendimtare teksa ish-lojtari i Partizanit realizoi një paraqitje fantastike individuale.
Kurbinasit kaluan në avantazh brenda 8 minutave lojë kur Harmon shfrytëzoi saktë krosimin e Mazrekajt. Megjithatë, ekipi i Ilir Dajës tregoi karakter duke barazuar brenda 3 minutave me Tedi Carën. Kurbinasit ishin më kërkues për golin, por u mungoi shënjestra.
Pjesa e dytë foli për kurbinasit. Mazrekaj me një goditje jo serioze arriti ta mposhtë Alban Hoxhën në minutën e 51-të. Ish-mesfushori i “demave” detyroi të kuqtë të kapitullonin 17 minuta më vonë kur krosimi i tij nga faulli përfundoi në rrjetë.
Pas 12 javëve, Laçi siguron fitoren më të rëndësishme, kurse Partizani zbret në tokë pas euforisë së triumfit 4-1 ndaj Kukësit të dielën.
