Kreu demokrat, Lulzim Basha, gjatë një bashkëbisedimime studentë të Ekonomikut, u shpreh se ndërkohë që borxhi ka arritur 1.1 mld euro, u dhanë vetëm 100 mln euro ndihma.
Basha theksoi se biznesi u gjunjëzua para pandemisë për shkak të taksave të larta, TVSH dhe inspektorëve, ndërsa rënia e konsumit goditi biznesin e vogël dhe të mesëm.
Kreu demokrat akuzoi Ramën se çoi buxhetin e shqiptarëve te PPP dhe Rilindja urbane, duke mos mbështetur shtresat në nevojë, bizneset dhe pensionistët.
Ai tha se rënia ekonomike në vend është dyfish, duke akuzuar si përgjegjës Kryeministrin, i cili nuk ndihmoi qytetarët gjatë pandemisë.
“Për studentët mund të ishte bërë shumë në kohë krize. Mbulim të 100% tarifës së studimit për studentët nga familje me të ardhura nën 640 mijë lekë në muaj.
Mbulojmë 50% të tarifës për studentët nga familje me të ardhura mbi 640 mijë lekë në muaj. Tarifat e studimit është sa 1/5 e kostos së PPP-ve”, tha Basha.
Sipas kreut demokrat, një qeveri e cila nuk ndërton dot 1 km rrugë, nuk mund të pretendojë të ndërtojë aeroporte, ndërsa ironizoi se infrastruktura nuk janë projektet 3D të Edi Ramës.
“Programi ynë ekonomik parashikon 10 mijë praktika pune të paguara në vit. 15 milion euro, kosto e këtij projekti, sa një konçesion i Ramës”, tha Basha.
