Edhe pse Milani vazhdon të fitojë, kuqezinjtë presin rikthimin në fushë të Zlatan Ibrahimoviç.
Klubi ende nuk ka një datë të saktë për rikuperimin e plotë të yllit të skuadrës, edhe pse objektivi është i qartë.
Suedezi synon të jetë në fushë në sfidën e 6 janarit, ku Milani do të luajë përballë Juventusit. Një duel me aromë titulli, ku “Djalli” do të konfirmojë ambiciet përballë kampionëve në fuqi të Italisë.
Ibrahimoviç kërkon të mos e humbasë sfidën me Cristiano Ronaldon në San Siro, ndërsa ka në shënjestër edhe një rekord.
Suedezi ka realizuar 78 gola me Milanin në të gjitha aktivitetet dhe synon të arrijë bashkatdhetarin Nils Lied’holm, në kuotën e 83 golave dhe të ngjitet në vendin e 13-të të goleadorëve historikë të kuqezinjve.
