Një grup adoleshentësh në Fier janë konfliktuar fizikisht me njëri-tjetrin.
Ngjarja ka ndodhur sot rreth orës 16:00.
Nuk dihen ende motivet që kanë çuar adoleshentët drejt përplasjes.
Njoftimi i Policisë
Sot rreth orës 16:00, në lagjen “Apollonia”, Fier, ka ndodhur një konflikt për motive të dobëta midis disa adoleshentëve.
Pas marrjes së njoftimit, është ngritur grupi hetimor dhe është bërë i mundur identifikimi i personave që kanë marrë pjesë në konflikt.
Policia ka shoqëruar disa prej tyre dhe po punohet për shoqërimin e personave të tjerë të identifikuar.
Grupi hetimor po punon për zbardhjen e rrethanave të ngjarjes dhe dokumentimin e plotë të saj.
