Bayern Munich ka fituar një ndeshje të rëndësishme ndaj Wolfsburgut me rezultatin 2-1, ku heroi i takimit rezultoi Robert Lewandowski.
Kampionët e Bundesligës nuk e nisën aspak mirë ndeshjen kundër Wolfsburgut, pasi e pësoi shumë shpejt që në minutën e 5′. Philipps realizoi një gol fantastik me një fluturim në gjysmë roveshatë pas gabimit të Sanesë.
Lewandowski shënoi golin e 250 në Bundesligë pas një pasimi të mirë të Coman në minutën e 45’+1′ për 1-1. Goli i avantazhit dhe 3 pikëve u realizua në minutën e 50′. Lewa mori një top të mirë nga Boateng dhe me një lëvizje mjeshtërore e çoi në rrjetë për 2-1. Miqtë nuk arritën të barazonin deri në fund të ndeshjes.
Leverkusen mban vendin e parë pas një fitoreje fantastike ndaj Koln me rezultatin 0-4. Miqtë shënuan nga dy gola në çdo pjesë për të mbajtur vendin e parë dhe për të marrë 3 pikët. Weiser (8′) dhe Diaby (10′) shënuan shumë shpejt për t’i dhënë qetësinë “Aspirinave”. Schick (54′) dhe Wirtz (59′) mbyllën gjithçka në pjesën e dytë.
Leipzig mori një fitore të rëndësishme në transfertë ndaj Hoffenheimit me rezultatin 0-1. Miqtë gjetën golin me anë të Poulsen në minutën e 60′ dhe morën 3 pikë shumë të rëndësishme.
