Një ndër talentet më të spikatur të futbollit europian për momentin është Jamal Musiala dhe Bayern Munich do të bëjë të pmundurën për ta mbajtur në ekip.
Ndonëse vetëm 17 vjeç ai është pjesë e ekipit të parë të Bayern Munich. Paraqitjet e tij të fundit kanë bërë që shumë klube të kthejnë vëmendjen nga mesfushori fantazist i lindur në Gjermani dhe që klubi i Mynihut e rriti vetë në Akademi.
Kontrata aktuale e Musiala me kampionët e Europës përfundon në verën e vitit 2022 dhe negociatat e rinovimit kanë nisur tashmë.
Për të bindur talentin, Bayern ka vendosur ta bëjë një nga adoleshentët më të paguar në Europë. Sipas medieve gjermane, në fakt, mësohet se paga e re duhet të jetë diçka e ngjashme me 100 mijë euro në javë dhe 5 mln euro në vit.
Rrogë e çmendur për një adoleshent që ende nuk ka mbushur 18 vjeç, diçka që bie ndesh edhe me politikat e Bayern Munich që zakonisht janë shumë të kujdesshëm në ofrimin e pagave të majme për një lojtar ende jo të konfirmuar në nivelet më të larta.
