Një person është plagosur me armë zjarri këtë pasdite në Rrëshen. I plagosuri është transportuar drejt spitalit për të marrë ndihmë mjekësore.
A.K., 51 vjeç aktualisht ndodhet nën kujdesin e mjekëve, ndërsa shkaqet dhe rrethanat e ngjarjes mbeten ende të paqarta.
Njoftimi
Rreth orës 17:40, në qytet Rrëshen, Mirditë, në rrugë është plagosur me armë zjarri shtetasi A.K., 51 vjeç, banues në fshatin Malaj, Mirditë, i cili është transportuar në spital dhe ndodhet nën kujdesin mjekësor.
Menjëherë në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes.
Shërbimet e Policisë të D.V.P. Lezhë, të Komisariatit të Policisë Mirditë dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve.
