Karabinierët në Potenza, në bashkëpunim me autoritetet vendore italiane të provincës së Materas, kanë kryer gjithsej 18 arrestime.
Të arrestuarit dyshohet se kanë kryer krime të ndryshme, të tilla si pjesëmarrje në organizatë që synon trafikun e lëndëve narkotike, në veçanti të heroinës, kokainës dhe marijuanës, shkruajnë mediat e vendit fqinj.
Operacioni Metalba, ku angazhuan më shumë se 100 karabinierë, prek provincat e Materas, Potenzas, Cosenzas, Lecces, Udines, Parmas dhe Trapanit. Droga mbërriti në Itali nga Shqipëria dhe u shit përgjatë bregdetit Jon-Lucan, veçanërisht në Tursi dhe Policoro (Matera).
Deklaratat e një bashkëpunëtori të drejtësisë ishin vendimtare në hedhjen dritë mbi trafikun e drogës midis Shqipërisë dhe bregdetit Jon të provincës së Materas: gruaja filloi të fliste me hetuesit rreth tre vjet më parë pasi u vendos nën mbrojtje nga keqtrajtimi i dhunshëm i pësuar nga partneri, një shqiptar, i cili u arrestua sot.
Në krye të organizatës – siç është rindërtuar nga hetuesit – qëndron Rocco Russo, 51 vjeç, në burg që nga viti 2018 dhe në krye të klanit që vepron në Metapontino. Në një konferencë për shtyp që u mbajt këtë mëngjes në Pallatin e Drejtësisë të Potenza, Prokurori i DDA, Francesco Curcio dhe prokurorja Anna Gloria Piccininni, theksuan “rrezikun” e mafies shqiptare, “e cila është bërë një nga më të fortat në Evropë “. Për më tepër, hetimet, të cilat filluan në 2016, më tej “demonstruan praninë shumë të lartë kriminale në zonë”, në kufirin midis Kalabrisë dhe Pulias.
Në burg, përveç Rocco Russos, është edhe partnerja i tij Vanessa Pellegrino, 24 vjeçe, e cila mori komandën e organizatës kriminale pasi u arrestua vetë Russo. Urdhri i paraburgimit ishte lëshuar nga gjykatësi hetues i rrethit në Potenza gjithashtu kundër Pietro Russo, 41 vjeç, Antonio Argentino (32), Pia Maddalena Tofano (27), Alfonso Luciano De Salvo (26) dhe Bledar Allmuca (36).
Ky i fundit është njeriu që sulmoi partneren, e cili më vonë u bë bashkëpunëtore e drejtësisë. Janë në arrest shtëpie: Donato Fittipaldi (37), Antonio Gallo (27), Angelo Rocco Calvello (36), Annamaria Scazzarriello (25), Cosimo Damiano Stigliano (30), Federica Cuomo (36), Tommaso Fazio (36), Massimo Restaino Votta (41), Hasan Tali (32). Përveç kësaj, 17 persona të tjerë janë gjithashtu nën hetim vetëm për krimin e tregtimit të drogës.
