Roma, Napoli dhe Atalanta fitojnë ndeshjet e tyre përkatëse duke bindur. Për djemtë e Gattusos një përmbysje e bukur ndaj Sampdoria, që shënoi në pjesën e parë me Jankto, por nuk arriti ta menaxhonte në 45′ e dyta, ku axurrët “përuruan” stadiumin “Diego Armando Maradona” në Serie A me dy golat e ardhur nga Lozano dhe Petagna, të dy nga stoli.
Fitore e thellë për Roma-n e Fonsecas, që shkatërroi dhe poshtëroi Bologna-n e Mihajlovic me rezultatin e thellë 5-1 në “Dall’Ara”.
Gjithçka në pjesën e parë, ku për 15 minuta verdhekuqtë shënuan me Pellegrini, Dzeko dhe autogoli i Polit. U zgjua pak Bologna me autogolin e Cristante, por Veretout dhe Mkhytarian mbyllën llogaritë.
Sukses i merituar për Atalanta ndaj Fiorentina, që vazhdon të vuajë jashtëzakonisht dhe edhe pse ndërroi trajnerin, duke i besuar Prandellit, nuk po del dot nga tuneli. Gosens, Malinovsky dhe Toloi fundosin ekipin vjollcë.
Sot në Serie A luhen edhe 2 takime të tjera. Në orën 18:00 Genoa sfidon Juventusin, ndërsa në orën 20:45 Milani luan në shtëpi kundër Parmës.
