Florian Marku dhe James Stewart ndahen në barazim, edhe pse boksieri shqiptar arriti të ishte më lart se kundërshtari dhe e detyroi anglezin të merrte veten në raundin e dytë.
76-76 ishte rezultati në fund, me Markun që u tërbua nga vendimi i gjyqtarëve për ta mbyllur. Pas ndeshjes ai u shfaq i habitur:
“Rivali më goditi vetëm një herë. Për çfarë është boksi, për të goditur në doreza?. Normalisht që e dua një ndeshje sërish, por a e njohin boksin këta gjyqtarë? A marrin vesh. Unë e në tokë atë. A po talleni me mua që e vendosni barazim. Ai nuk më dha asnjë goditje të pastër”.
Raundi i parë ishte deri dikurt i barabartë, por Marku u tregua dinak në disa momente, duke goditur rivalin me të majtë. Boskieri shqiptar vijoi me strategjinë e tij edhe në raundin tjetër, teksa mbrohej mirë dhe shtynte Stewart drejt litarëve.
Në një moment Marku e goditi fort në trup dhe arbitri nisi numërimin, por britaniku me duart në brinjë bëri me shenjë që mund të vazhdonte. Raund pas raundi u konfirmuar një duel shumë i luftuar, me të dy boksierët që mundoheshin të godisnin njëri-tjetrin.
Në raundin e pestë Stewart e vuri disi në siklet Markun, kurse më pas dueli vijoi të ishte deri diku i barabartë sërish. Shqiptari e çoi në kënd disa herë rivalin dhe në raundin e tetë me një goditje të fortë ia hoqi edhe protezën. Asnjë prej boksierëve nuk ra dhe gjyqtarët vendosën që gjithçka të mbyllej në barazim.
