Policia e drejtuar nga Ardi Veliu ka ndërhyrë sot në mënyrë brutale për të dhunuar protestuesit dhe për të ndaluar manifestimet para Kryeministrisë dhe Ministrisë së Brendshme.
Forcat speciale kanë ndjekur protestuesit nëpër rrugët e Tiranës me autoblinda që hedhin ujë me preson dhe duke qëlluar me gaz lotsjellës.
Ndryshe nga ditët e tjera, sot protestuesit nuk kanë kryer akte dhune. Policia i ka qëlluar pa paralajmërim dhe pa arsye, me të vetmin qëllim që të mos mblidheshin të gjithë në zonë të vetme.
Dhjetra të rinj janë dhunuar dhe të tjerë janë shoqëruar në komisariate.
Një nga parullat që simbolizon më mirë dhunën e sotme është ajo që u shfaq në sheshin “Nënë Tereza” nga një protestues: “Më shumë mjete ka policia për të na vrarë, sesa mjekë për të na shpëtuar”.
