Gjatë pasdites së sotme në qytetet kryesore të vendit janë zhvilluar protesta kundër vrasjes së 25-vjeçarit Klodian Rasha nga një efektiv policie.
Protestat nisën mbrëmjen e djeshme në Shkodër, ndërsa sot shoqëria civile dhe qytetarët, u organizuan në protesta, që zgjatën mbi 4 orë përgjatë bulevardit “Dëshmorët e Kombit”.
Protestuesit kërkuan dorëheqjen e Sandër Lleshajt nga posti i ministrit të Brendshëm, ndërsa policia ka reaguar me gaz lotsjellës dhe sprite paralizues, për shpërndarjen e protestuesve.
Protesta u zhvilluan paralelisht në Durrës, Gjirokastër, Lushnje, Kukës, si dhe në Vlorë.
Përfaqësues të forumit Rinor të Partisë Demokratike në Vlorë i janë bashkuar organizimit për protestë në nder të të riut Klodian Rasha, që u ekzekutua nga një efektiv i policisë dje në Tiranë.
Të rinjtë kanë marshuar në mënyrë paqësore fillimisht përpara Prokurorisë së Rrethit Vlorë dhe më pas përpara Gjykatës me pankarta në duar duke kërkuar drejtësi.
Ata ndezëm qirinj para hyrjes së dy institucioneve, ndërsa janë shpërndarë paqësisht pak minuta më pas, pa krijuar incidente.
