Kryeministri Edi Rama njoftoi gjatë fundjavës udhëtimin drejt SHBA për t´u takuar “sy më sy” me prodhuesit e vaksinave kundër koronavirusit.
Udhëtimin i Ramës drejt SHBA u njoftua në një kohë kur shumë vende kanë nisur përgatitjet lidhur me infrastrukturën e vaksinave, veçanërisht sigurimin e frigoriferëve që garantojnë temperaturat -70 gradë, për ruajtjen e një prej vaksinave që duket se do të jetë e para që do të përdoret.
E ndërsa në Shqipëri konsiderohet si arritje aplikimi i testeve të shpejta për evidentimin e të prekurve nga Covid-19, për vaksinën duket se askush nuk flet, përveç Kryeministrit që ka vendosur të shkojë vetë dhe të diskutojë me prodhuesit.
Kaq është dashur që në rrjetet sociale të shpërthejnë memet ironizuese, jo vetëm ndaj Ramës, por edhe ndaj ministrave të tij Arben Ahmetaj dhe Ogerta Manastirliu.
AGIM XHAFKA
Rama vaksinat i di si biletat dikur te kinema “Republika”. Shiteshin të gjitha, po nja 50 copë i merrte Calja. I blinte me 20 lekë/copa dhe i shiste me trefish. Rama mendon se edhe për vaksinat do gjejë ndonjë Cale andej nga New Yorku. Po dhe në se nuk gjen di si ta dredhë. Do thotë, më bllokoi Saliu.
GENC SEJKO
E imagjinoj Ramën nga farmacia në farmaci duke kërkuar për vaksinën.
EDI OGA
Ndërkohë në Amerikë:
– Kam ardhur deri këtu për të kërkuar vaksina për shtetasit e mi!
– Vërtetë?! Nuk keni ju një adresë e-maili?!
