Në fillim të mandatit të parë si Kryeministër, Edi Rama përsëriste pa pushim “burg, burg, burg”. E kishte për ata që nuk paguan dritat dhe brenda një kohe të shkurtër nisën arrestimet. Sot në mbyllje të mandatit të dytë si Kryeministër, Rama i është rikthyer sërisht “burg, burg, burg”.
Këtë rradhë e ka për memet në rrjetet sociale, që duket se janë të vetmet që nuk kontrollon dhe nuk arrin t´i ndalë.
Ndoshta ka dështuar në përpjekjen e tij për t´i ndalur dhe rrugën që ka gjetur është ndryshimi i Kodit Penal, duke paralajmëruar burg për ata që bëjnë meme, që venë në lojë udhëheqësin dhe ata që janë nën të.
Gazetari Klodian Tomorri përmes një postimi ka ironizuar Ramën, për të cilin thotë se ka filluar të këpusë mufka.
“Rama ka filluar të këpusë shumë mufka. Franca, Kroacia dhe shumë vende të Bashkimit Europian kane burgje për gazetarët-thotë.
Se ku qenkan këto burgje se s’kemi dëgjuar ndonjëherë ne të hyjë ndonjë gazetar në burg në vendet e BE.
Franca lirinë e shprehjes e ka të shenjtë, madje edhe kur ajo tejkalon në mënyrë të palogjikshme kufijtë si puna e Charlie Hebdos. Ky thoteëburg, burg.
Flet kryeministri qesim, marrin zemër këta larot poshtë pastaj. Bëjnë presione dhe u kërkojnë gazetarëve miliona lekë nëpër gjyqe.
Jepi, jepi. Fol qesim se të ka lezet shumë,” shkruan ai.
