Policia e Vlorës nuk ka asnjë gjurmë që mund t çojë në zbulimin e autorëve të vrasjes së djeshme në Vlorë, edhe pse kanë kaluar mbi 12 orë nga krimi. Ngjarja ka ndodhur në fshatin Dukat.
Mbi 10 persona raportohet se janë marrë në pyetje lidhur me vrasjen e Benjamin Bozhanit. Mësohet se personat e marrë në pyetje janë të afërt të viktimës dhe banorë të fshatit.
Viktima mësohet se është qëlluar me armë kallashnikov nga distancë e afërt mbi 10 herë nga pjesa e përparme e makinës.
Pjesa më e madhe e plumbave kanë goditur trupin e 27-vjeçarit. Makina me të cilën udhëtonte i riu është Benz C-klas ngjyrë gri.
Policia e Vlorës po heton disa pista ku më kryesoret janë e shkuara e 27-vjeçarit që ka vuajtur dënim në Itali. Ai kishte një vit që ishte kthyer. Por po hetohen edhe konflikte të kohëve të fundit.
