Avokati Ledio Braho tha se VKM e Qeverisë që detyron emigrantët të deklarojnë vendbanimin e tyre për të përfituar të drejtën e votës nuk e zgjidh problemin.
Në emisionin “Abc e Mëngjesit”, Braho tha se sanksionet e vendosura, që praktikisht e bëjnë emigrantin të humbasë çdo shërbim që mund të marrë nga shteti, do të thotë se ai humbet çdo të drejtë si shtetas shqiptar.
“Nuk besoj se zgjidhja është kaq e thjeshtë, pra që doli një VKM dhe u zgjidh problemi i votës së migrantëve”, tha Braho.
Sipas tij, problemi është se nuk ka një regjistër të emigrantëve, i cili duhet të krijohet dhe KQZ brenda janarit duhet të miratojë gjithë kuadrin.
Braho tha se ata që kanë zgjedhur të ikin nga Shqipëria nuk janë ata që punojnë në administratë apo në bashki, por janë ato që janë të papunë, që votojnë kundër një qeverie.
