Ish-ministri i Brendshëm, Flamur Noka, ka raportuar pak minuta më parë se brenda një magazine në Rrëshen janë zbuluar 3 ton kanabis sattiva. Ai ka akuzuar policinë në Rrëshen se është e implikuar në kultivimin dhe trafikun e drogës.
Ai thotë se Policia e Rrëshenit nuk pranon të ndërhyjë në një magazinë ku ndodhe droga, edhe pse aty ndodhen forcat e krimit ekonomik nga Lezha. Pritet që çështja të zgjidhet me ndërhyrjen e forcave RENEA.
“Pazaret e drogës tashmë kanë kaluar nga konflikte mes bandash në përplasje brenda vetë Policisë. Në këto momente tek magazinat e ish pularisë në qytetin e Rrëshenit zbulohen sasi të frikshme droge. Burime nga vendngjarja bëjnë me dije se janë rreth 3 ton drogë. Banesa është rrethuar nga një grup i policisë të krimit organizuar të Drejtorisë Lezhë. Policia e Rreshenit nuk pranon të ndërhyjë dhe i ka braktisur ndërkohë dhe uniformat blu të drejtorisë Lezhë nuk po guxojnë të ndërhyjnë. Pritet të vine nga RENEA .Kjo është ” Policia që duam” në Kanabistan”, shkruan Noka në faqen e tij në Facebook.
