Një automjet, drejtuesi i së cilës dyshohet të ketë qenë në gjendje të dehur është përplasur fillimisht me një kabinë elektrike në Ishull Lezhë, më pas ka lëvizur e është përplasur me një tjetër makinë.
Makina, edhe pas këtyre përplasjeve, sërish nuk është ndaluar, por ka goditur edhe një tjetër automjet.
Raportohet se ngjarja ka ndodhur pranë lagjes SMT. Nga përplasja ka mbetur i plagosur rënde drejtuesi i mjetit tip Benz, i cili është dërguar me urgjencë në Spitalin e Lezhës.
Nga goditja e kabinës, ka ngelur pa energji elektrike e gjithë zona e Ishullit. Policia ndodhet në vendin e ngjarjes dhe po kryen veprimet hetimore në tre vendet ku është përplasur mjeti.
