Zlatan Ibrahimovic është gjithmonë në qendër të vëmendjes për paraqitjet e tij mbresëlënëse në fushën e lojës apo me deklaratat e tij kontroverse.
Aktualisht i dëmtuar, sulmuesi suedez, ka vënë në shënjestër FIFA dhe FIFPro (unioni botëror i lojtarëve) për përdorimin e “emrit” dhe “fytyrës” së tij në lojën FIFA 21 prodhuar nga Electronic Arts (EA).
Me një mesazh në Twitter, sulmuesi i Milanit pyet “kush e autorizoi FIFA EA Sport të përdorë emrin dhe fytyrën time? Nuk më thanë që isha anëtar i FIFPro dhe, nëse jam, u regjistrova pa u informuar në të vërtetë, në një mënyrë të dyshimtë.
Dhe një gjë është e sigurt, unë kurrë nuk kam lejuar FIFA ose FIFPro të fitojnë para me mua. Dikush ka fituar me emrin dhe fytyrën time pa asnjë marrëveshje gjatë gjithë këtyre viteve. Koha për të hetuar”, shtoi suedezi 39-vjeçar në një mesazh të dytë për më shumë se 7 milion ndjekësit e tij.
Video loja, FIFA 21, u lançua më 5 tetor 2020 dhe deri më tani ka tërhequr më shumë se 35 milion lojtarë në PC dhe konsola.
Who gave FIFA EA Sport permission to use my name and face? @FIFPro? I’m not aware to be a member of Fifpro and if I am I was put there without any real knowledge through some weird manouver.
And for sure I never allowed @FIFAcom or Fifpro to make money using me— Zlatan Ibrahimović (@Ibra_official) November 23, 2020
