Dardan Domi, një banor i Shijakut, ka denoncuar rastin e nënës së tij, e cila humbi jetën. Domi shprehet se e ëma e tij, Lirie Domi, ka ndërruar jetë, ndërsa në kartelën e vdekjes shkruhet “arrest kardiak”.
Domi thotë se tjetër mjek e ka ndjekur rastin e nënës së tij, dhe tjetër mjek ka plotësuar skedën e vdekjes.
“I kërkoj prokurorisë të hetojë rastin e nënës sime: ka vdekur nga Covid-19 dhe është shkruar në skedën e vdekjes “arrest kardiak”, apo ka vdekur nga zemra dhe pse është trajtuar në spitalin Covid, ku mund të infektohej”, shprehet Domi.
Sipas tij, një moment i rëndë ishte ai kur ka shkuar në morg dhe i kanë thënë se situata është e tmerrshme, pasi ka shumë trupa të pajetë.
“Prokuroria duhet të hetojë rastet”, shprehet Domi.
