Kryeprokurori Adriatik Lllalla ka bërë ndryshime të shumta në organin e akuzës.
Kështu, Petrit Fusha nga Drejtues i Prokurorisë së Tiranës transferohet në Prokurori të Përgjithshme.
Ramadan Troci nga drejtues i Prokurorisë së Vlorës transferohet në Prokurorinë e Përgjithshme.
Deniona Bogdani nga prokurore e thjeshtë në Durrës emërohet shefe e Task Forcë në Prokurorinë e Tiranes. Këtë detyrë e ka mbajtur edhe më parë, por si e komanduar.
Ndërkohë që pak kohë më parë kryeprokurori Llalla u ankua se ndryshimet kushtetuese nuk i linin hapësirë për të kryer transferime dhe emërime, por sot ka zyrtarizuar emërimet e rëndësishme.
Nuk dihet mbi ç’bazë ligjore janë bërë koto emërime, pasi prej kohësh tashmë është në fuqi ligji ri për Prokurorinë, i cili ia heq kompetencën e transferimit të prokurorëve, Prokurorit të Përgjithshëm dhe ia jep këtë kompetencë Këshillit të Lartë të Prokurorisë.
Po ashtu ndryshimet ligjore i heqin të drejtën e dekretit për transferime dhe emërime Presidentit të Republikës.
Por pavarësisht këtyre pengesave ligjore, Llalla ia ka dalë të promovojë ata që njihen si bashkëpunëtorë të tij të afërt.
