Përfundoi në turin e dytë aventura e ekipit të femrave të Vllaznisë në Champions League.
Vajzat shkodrane u thyen 2-0 në “Loro Boriçi” nga bjelloruset e FC Minsk dhe eliminohen nga turneu.
Skuadra mike kaloi në avantazh me Sas në fundin e pjesës së parë dhe arriti ta menaxhonte shumë mirë lojën edhe pse autorja e golit u largua nga fusha me karton të kuq, në minutën e 54-t.
Vllaznia nuk arriti ta shfrytëzonte superioritetin, teksa e hedhur e gjitha në sulm për të gjetur barazimin, pësoi edhe golin e dytë në fundin e lojës.
