Winful Cobbinah është larguar nga skuadra e Tiranës. Futbollisti i përfaqësueses së Ganës është prezantuar këtë të martë te Ceramica Cleopatra në Premier League-n e Egjiptit, para nisjes së sezonit 2020-2021.
Ish-sulmuesi i Hearts of Oak luajti për dy sezone rresht te kampionët në fuqi të Shqipërisë, duke qenë një nga elementët më të rëndësishëm që kontribuan në kthimin e bardhebluve te titulli kampion.
Cobbinah zhvilloi 74 ndeshja me Tiranën, ku shënoi 14 gola dhe dhuroi 9 asiste. Me largimin e Cobbinah, Tirana humb lojtarin e radhës që ndihmoi skuadrën të shpallej kampion në Superligë, ndërsa bardheblutë kanë ndryshuar “fytyrë” krahasuar me vitin e kaluar.
