Shumë vende po përballen me valën e dytë të koronavirusit dhe qeveritë kanë ndërmarrë masa të ndryshme shtrënguese për të parandaluar përhapjen e Covid-19.
Por, disa shkencëtarë mendojnë se asnjë nga masat nuk është më efektive sesa bashkimi i të gjitha masave. Këtë gjë ata e quajnë “teoria e djathit kaçkavall”.
Virologu australian Ian Mackay, profesor në Universitetin e Kuinslendit, thotë se asnjë masë shtrënguese nuk është e fortë mjaftueshëm për të ndalur koronavirusin, pasi çdo masë ka hapësira që e lejojnë kalimin e virusit. Por, të gjitha masat bashkë e bëjnë më të fortë barrierën ndaj Covid-19.
Si shembull, ai merr fetat e holla të djathit kaçkavall. Nëse i konsiderojmë këto feta djathi si masa shtrënguese, secila prej tyre ka vrima që e lejojnë virusin që të kalojë. Por, nëse bashkohen bashkë, vrimat do të mbyllen dhe mund të krijohet një mur i pakalueshëm për virusin.
Në total, Mackay flet për 10 “feta djathi”. 5 kanë të bëjnë me përgjegjësitë individuale dhe 5 me përgjegjësitë shoqërore.
1.Respektim i distancës sociale dhe qëndrimi në shtëpi nëse kemi simptoma.
2.Përdorimi i maskës.
3.Larja e shpeshtë e duarve.
4.Shmangia e prekjes së fytyrës.
5.Shmangia e qëndrimit në vende me shumë njerëz, sidomos nëse janë ambiente të mbyllura.
6.Shënjestrimi i kontakteve dhe testimi i tyre i shpejtë.
7.Ajrosja e mirë e ambienteve të mbyllura.
8.Komunikimi i qartë i rregullave për popullin, me mesazhe që kuptohen lehtë.
9.Mbikqyrja e karantinimit të rasteve të konfirmuara dhe kontakteve të tyre.
10.Në fund, krijimi i vaksinës. Ndërkohë që pritet vaksina, duhen respektuar pikat e mësipërme.
