Ministria e Shëndetësisë bëri raportimin e 24 orëve të fundit, mbi situatën Covid, kur edhe ishte mësuar më herët gjatë ditës se si pasojë e koronavirusit kanë ndërruar jetë në 24 orët e fundit tre persona, nga 6 që u raportuan zyrtarisht pasdite.
Në 24 orët e fundit janë shëruar 351 qytetarë, duke e çuar numrin e të shëruarve 13,804 që nga fillimi i epidemisë.
Në 24 orët e fundit, në vendin tonë janë kryer 2,560 testime, prej të cilave 423 janë testime jnë kryer për arsye depistimi.
Kanë rezultuar pozitivë me virusin SARS COV2, 694 qytetarë në 24 orët e fundit
Aktualisht në 3 spitalet COVID, po trajtohen 412 pacientë, 13 në terapi intensive, nga të cilët 3 të intubuar.
Me gjithë përpjekjet e mjekëve, në 24 orët e fundit, kanë humbur jetën 6 qytetarë me Sars-Cov2 pozitiv në spitalet COVID: mjeku 66 vjeçar Ilirjan Draçi, një 28 vjeçare, një 61 vjeçare, një 76 vjeçare, dhe një 78 vjeçar nga Tirana, një 63 vjeçare nga Elbasani.
Mes tyre, edhe një 28-vjeçare, prej pesë mujash shatëtzënë. Një 28-vjeçare shtatzënë e ifektuar me Covid-19 ndërroi jetë të hënën tek Infektivi.
Emanuela Dalipi ishte shtatzënë me fëmijën e saj të parë. Prej një jave ajo qëndronte tek Infektivi, për disa ditë edhe e intubuar, por më pas shfaqi komplikacione dhe mjekët u detyruan të ndërhynin për t’i hequr fëmijën.
E reja kishte pasur komplikacione dhe i ishte nënshtruar një operacioni, prej të cilit nuk mbijetoi as ajo dhe as foshnja.
Po ashtu, betejën me sëmundjen e humbi një tjetër mjek, Ilirjan Draçi. Draçi për vite më radhë shërbeu si mjek dhe drejtues në poliklinikën e specialiteteve Nr.1.
“Vazhdon beteja tepër e veshtirë me virusin. Të gjithë kolegë, infermierë, sanitarë, miq dhe shokë, po bëjnë gjithcka për të më shpëtuar jetën. Mbani maska, ruani distancën, lani duart. Një gabim i vogël, ju kushton jetën. Beteja vazhdon……”, shkruante Draçi në postimin e tij në rrjetet sociale, që duket se do të jetë i fundit.
Virusi i mori jetën edhe një pedagogeje të Universitetit të Tiranës, Irena Bogdani.
Profesoresha e Ekonomikut, Irena Bogdani, 62 vjeçe, ishte pedagoge në Fakultetin e Ekonomisë, në Universitetin e Tiranës.
Lajmi i trishtë ka prekur kolegë, studentë dhe botën akademike.
Në një mesazh ngushëllimi, ministrja e Arsimit, Evis Kushi shprehet e pikëlluar për humbjen e saj të parakohshme nga virusi i pabesë.
“Për profesoreshë Irena Bogdanin në Universitetin e Tiranës ruaj mbresat më të mira nga shumë konferenca shkencore ku kemi marrë pjesë së bashku. Ajo ishte një akademike e profesioniste shumë e mirë dhe gëzonte respekt tek të gjithë kolegët e studentët”, – tha Evis Kushi.
Ndoshta është kjo një ndër ditët më të trishtueshme për shqiptarët, teksa tre qytetarë humbën jetën para kohe, në betejë me një sëmundje që po kthehet në një makth për njerëzimin.
