Presidenti Ilir Meta i ka kërkuar SPAK të hetojë ligjin mbi metrologjinë, të cilin Kreu i Shtetit nuk e dekretoi dhe e riktheu në Kuvend për rishqyrtim.
Sikurse arsyetonte gjatë kthimit të ligjit për rishqyrtim në Parlament, edhe në letrën drejtuar SPAK, presidenti thotë se “ky ligj është me përmbajtje të lartë antikushtetutshmërie, me parashikime në shkelje flagrante të parimeve themelore kushtetuese të funksionimit të tregut të lirë dhe konkurrues”.
Ky ligj, sipas Metës, duket se synon “të ligjërojë një skemë për qëllime klienteliste, në dhënien me koncesion të shërbimit shtetëror te subjektet private, në mënyrë të pakontrolluar, dhe pa negociuar asnjë kusht për mbrojtjen e interesit shtetëror”.
Kërkesa e Presidentit drejjtuar SPAK është pasuar nga reagime të ndryshme, Karikaturisti i mirënjohur Bujar Kapexhiu, punimin e fundit ia kushton pikërisht këtij procesi.
Kryeministrit Edi Rama nuk i pëlqen aspak kjo ide dhe ndihet i “terrorizuar”.
