Ish-Kryeministri Sali Berisha ka reaguar lidhur me ndalimin nga policia të ish-deputetit, Kastriot Islami. Ky i fundit ishte duke ecur nga Parku i Liqenit, ndërsa u kap ma maskë, dhe pas një debati u shoqërua në komisariat.
Berisha në reagimin e tij e quan ndalimin e Islamit “një akt të shëmtuar dhe kriminal”
“Ndalimi i zotit Islami me urdher të Xhahilit të Surrelit është një akt i tij banditesk dhe hakmarrje e tij primitive politike kurse maska është thjeshte preteksti i këtij akti të shëmtuar”, shkruan Berisha.
Postimi i plotë
Ndalimi i Prof Dr Kastriot Islamit nga xhahili skizoid i Surrelit, një akt i shëmtuar dhe kriminal.
Miq, dje Edvin Hajduti, xhahili skizoid i Surrelit urdhëroi narkobanditë me uniformë të ndalojnë dhe shoqërojnë forcërisht në narkokomisariat personalitetin e njohur të politikës së vendit, opozitarin e vendosur të rregjimit të kakistokracisë të Edvin Kristaq Kolekës, ish deputetin Kastriot Islami sepse ai po bënte joging pa maskë tek Parku Kombëtar i Liqenit Artificial të Tiranës.
Ndalimi i zotit Islami me urdher të Xhahilit të Surrelit është një akt i tij banditesk dhe hakmarrje e tij primitive politike kurse maska është thjeshte preteksti i këtij akti të shëmtuar.
Duke i shprehur solidaritetin tim të plotë zotit Kastriot Islami, denoj me ashpërsinë më të madhe aktin e turpshëm prej birboje të vërtet të Edvin Hajdutit ndaj zotit Islami dhe e garantoj kufomën politike se shumë shpejt do të marrë përgjigjen e merituar përsonale për veprimin e tij kriminal.
