Prej disa ditësh ka një rritje eksponenciale të rasteve me Covid-19, sikundër po shkohet drejt ezaurimit të kapaciteteve spitalore dhe numri i pacientëve që kanë humbur jetën ka arritur shifra të larta.
E gjithë kjo situatë ka prodhuar debate të shumta, sikundër ka shtuar frikën për një tjetër mbyllje, të ngjashme me atë të aplikuar në muajt mars-qershor.
Qeveria ka vendosur që nga dita e sotme të ndalojë qarkullimin nga ora 22:00 deri në 06:00, si një masë për parandalimin e përhapjes së Covid-19.
Në një lidhje me Skype për “Open”, ndërsa u pyet nëse vendi po shkon drejt një mbyllje totale, minsitrja u shpreh se situata po monitorohet.
Sipas Manastirliut, me evoluimin e epidemisë do të informohen edhe hapat e tjerë që do të ndërmerren.
“Këto masa janë masa të intensitetit mesatar. Situata është dinamike, patjetër që dhe masat janë fleksibël, grupet e punës po monitorojnë situatën. Do të ketë një vlerësim periodik me bazë javore dhe dy javore, me evoluimin epidemisë do kemi dhe komunikime që do informojmë për hapat që do ndërmarrim dhe situatën epidemiologjike, theksoi Manastirliu.
