Kreu i Partisë Demokratrike Lulzim Basha në një status në rrejtin social Facebook, duke iu referuar numrit të lartë të të infektuarve në vend shprehet se ajo tregon neglizhencën e qeverisë Rama dhe mungesën e një plani konkret.
Basha thotë se realiteti është tepër i rëndë, të sëmurët sipas tij dergjen nëpër ambulance, ndërkohë spitalet nuk kanë kapacitete dhe janë në kolaps.
Më tej Basha shprehet se Rama vazhdon t’i marrë shqiptarëve lekët e taksave dhe në vend që ato të investohen në shëndetësi ua jep miqve të vet.
Deklarata
Dje kishim mbi 500 raste të reja të raportuara të koronavirusit në Shqipëri, numri rekord më i lartë që nga fillimi i pandemisë.
Çfarë bën Rama? Asgjë! Ai nuk ka asnjë plan. Spitalet janë në kolaps, të sëmurët dergjen në ambulanca.
Rama ju merr shqiptarëve lekët e taksave, dhe në vend që ti investojë në shëndetësi, jua jep miqve të vet. Pasi shkatërroi ekonominë, Rama po shkatërron jetët dhe shëndetin e njerëzve. Ai duhet të largohet.
Bashkë do ti fitojmë zgjedhjet, do ta ngremë ekonominë dhe do të sigurojmë ndihmë për çdo familje.
