Policia e Shtetit arrestoi dy persona dhe ka shpallur në kërkim një të tretë, lidhur me sasinë prej rreth 2.6 ton marijuanë që u kap nga policia malazeze. Kamioni ku u gjet lënda narkotike kishte kaluar nga Pika e Kalimit Kufitar të Hani të Hotit dhe kishte si destinacion një prej vendeve të BE-së.
Përmes një njoftimi zyrtar, Policia e Shtetit bëri të ditur se gjatë operacionit, nën drejtimin e Prokurorisë Shkodër, nga Policia e Shkodrës, në bashkëpunim me Policinë e Fierit, janë kapur dhe vënë në pranga dy prej personave të përfshirë në tentativën për trafikimin e një sasie marijuane, si dhe është shpallur në kërkim një shtetas tjetër si bashkëpunëtor.
Personat e arrestuar janë Arlind Tabaku dhe Përparim Shurdhi, përkatësisht 36 dhe 41 vjeç, banues në Lushnjë, ndërkohë që për personin e shpallur në kërkim nuk bëhen të ditura detaje.
“Nga veprimet e para rezultoi se kamioni me drejtues shtetasin Elvis Calik ishte ngarkuar në magazinën në pronësi të shtetasit Perparim Shurdhi, i ndihmuar nga shtetasi Arlind Tabaku dhe personi i shpallur në kërkim.
Në cilësinë e provës materiale janë sekuestruar prova të shumta që do të çojnë në dokumentimin dhe zbardhjen e plotë me prova ligjore të kësaj veprimtarie kriminale”, thuhet në njoftimin e policisë.
Materialet procedurale do t’i kalojnë Prokurorisë pranë Gjykatës së Shkallës së Parë Shkodër, për veprën penale “Trafikim i narkotikëve”, kryer në bashkëpunim
