Ka shkuar në 85 numri i viktimave nga tërmeti i së premtes në qytetin e Izmirit në Turqi, ndërsa janë nxjerrë nga rrënojat 106 persona, deklaroi Ministri i Mjedisit dhe Planifikimit Urban Murat Kurum.
Nga ana tjetër janë regjistruar të paktën 994 të plagosur, nga të cilët 219 po trajtohen në spitale. Gjithashtu nga regjistrimet sizmike, raportohet se janë shënuar më shumë se 900 pasgoditje prej tërmetit të mesditës së të premtes.
Ndërkaq janë shkatërruar totalisht 58 ndërtesa, 397 ndërtesa me pak dëmtime dhe 66 ndërtesa me dëme të lehta.
Për personat e mbetur të pastrehë po punohet për ngritjen e një ‘qyteti kontejner’ me kapacitet prej 1000 personash në Bayrakli.
Sipas të dhënave të fundit janë kryer inspektimet e plota në çerdhet dhe kopshte, të cilat shumë shpejt mund të vazhdojnë nga puna e tyre.
