Deputeti Ralf Gjoni kundërshtoi vendimin e Qeverisë që të blejë para kohe vaksinën që ende nuk ka dalë të Covid. Gjoni tha se ai kishte respekt maksimal për punën e mjekëve, por nuk mund të hidhen para kot, në një gjë që ende nuk ka siguri.
“Ju keni sjell në Kuvend ratifikimin e një marrëveshje mes Shqipërisë dhe një alence e quajtur Gavi. Hera e parë që e dëgjoj. Aleanca është e Bill Gates, e një prej njerëzve më të pasur në botë. Përmes iniciativës kovac, po mundohet të grumbullojë 2 miliardë dollarë për të blerë doza vaksine kundër covid që ti shpërndajë në vende të varfra, të një vaksine që nuk ka garanci nëse ka efikasitet që mund të mundë virusin
Pse na i sillni në parlament zonja ministre. Pse nuk jepni lekët, shkoni jepjani aleancës Gavi…mbani opsionet e hapura. Organizata e shëndetësisë, drejtohet nga një humbacak, nga njerëzit më të dyshimtë në sinjalizmin e vendeve anëtarë të OBSH për vendet me COVID.
OBSH është bërë problem, pasi është kërkuar një ri. Organizatë dështake, mban përgjegjësi për përhapjen e panedmisë, ku ishte ajo në janar? Si ka mundësi që Franca, një zyrtar i saj, para 1 muaji u shpreh se nuk do blinin vaksina. Cfarë po përgatisim që të fusim në gjakun e shqiptarëve? Vaksina më efikase duhet të ruhet në kushte frigoriferike, në -70 gradë, Shqipëria nuk i ka këto kushte”, tha Gjoni.
“Mos bëni konspiracion, punoni në të mirë të njerëzve, kështu i ndihmoni shqiptarët, ne do të kemi vaksinim të sigurt dhe efektiv. Lexoni më shumë, informohuni më shumë, dhe mos bëni pòlitikë me pandeminë, pasi kjo është një situatë shumë serioze, ne jemi duke punuar 24 orë në 24”, iu drejtua Manastirliu, Gjonit.
