Barcelona ka mposhtur Juventusin me rezultatin 0-2, në ndeshjen e vlefshme për grupet e Ligës së Kampionëve.
Bardhezinjtë kanë zhvilluar një takim mjaft të dobët, duke mos arritur për asnjë moment të dalin në lojën e tyre. Nga ana tjetër, ekipi i drejtuar nga Koeman është treguar më i qartë në fushën e lojës duke marrë tre pikët e radhës.
Golat e fitores për Barcelonën u shënuan nga Ousmane Dembele në minutën e 14-të dhe Leo Messi në fundin e takimit me një 11-metërsh.
Me këtë rezultat, Grupi G kryesohet nga Barcelona në kuotën e 6 pikëve, ndërsa ndjek Juventusi me 3 pikë. Din.Kiev dhe Ferencvaros mbajnë vendin e 3-të dhe të 4-t me nga 1 pikë.
https://streamable.com/aodnb5
https://streamable.com/oqduyq
