Kryetarja e LSI, Monika Kryemadhi gjatë një takimi me banorët e qytetit të Fierit, i ka kërkuar qeverisë që për 3 ditë të mos e mbledhë taksën e naftës, por t’ua japë grevistëve të Ballshit.
“Do t’i kërkoja qeverisë që me këtë çmim të lartë takes që ka nafta, më shumë se Maqedonia në lëkë për litër, do t’i kërkoja që për 3 ditë të mos i merrte taksat e naftës, por t’ua jepte naftëtarëve të Ballshit. Vetëm në ditë qeveria fiton 3 milion euro nga nafta që shqiptarët konsumojnë në punët e tyre dhe jetën e përditshme. 3 ditë t’ja uli çmimin naftës për fermerët, për shqiptarët që përdorin mjete automobilistike dhe të mendojë 3 ditë për naftëtarët e Ballshit që janë prej ditësh në grevën e urisë”, është shprehur Kryemadhi.
Sakaq kryetarja e LSI u ka bërë thirrje të gjithë qytetarëve që të jenë të lirë në zgjedhjet e 25 prillit për të votuar këdo forcë politike që i përfaqëson ata.
