Komisioneri për Zgjerimin, Oliver Varhelyi, ka reaguar lidhur me kërkesën që Presidenti Ilir Meta i drejtoi Komisionit të Venecias për ndryshimet në Kodin Zgjedhor.
Varhelyi shkruan në një postim në rrjetet sociale se i beson Komisionit të Venecias, i cili do të japë shpejt këshilla të vlefshme.
“Venecia do të sigurojë këshilla të shpejta për palët e interesuara shqiptare mbi zbatimin e ndryshimeve Kushtetuese të 30 korrikut.
Parlamenti duhet të marrë në konsideratë këshillat e Venecias”, shkruan Varhelyi. Në vijim ai kërkon nga palër për të punuar për zgjedhje të lira dhe të ndershme.
Reagimi i Komisionerit për Zgjerimin ka ardhur në një kohë kur Presidenti Ilir Meta iu drejtuar Venecias me 8 pyetje lidhur me ndryshimet në Kod, ndërsa Kryeministri Edi Rama ka deklaruar se dekreti i Presidentit për kthimin pas të ligjit do të rrëzohet.
