Të paktën 13 mësues dhe sanitarë rezultojnë të prekur nga Covid-19 në shkollën Emin Duraku në Tiranë.
Nga përgjigjet e tamponëve rezultojnë të prekur 10 mësues nga 29 që u karantinuan pakt ditë më parë. Më parë ishin raportuar 8 mësues dhe sanitarë të prekur, ndërsa nga analizat e fundit rezultuan pozitivë edhe 5 mësues të tjerë, duke e çuar numrin e tyre në 10, ndërkohë që 3 janë sanitare.
Aktualisht mësimi vazhdon normalisht pasi mësuesit janë zëvendësuar nga 29 kolegë të tjerë.
Shkolla Emin Duraku duket se është kthyer në një vatër infeksioni të përhapjes së Covid-19, ndërsa më herët ish-deputetja Albana Vokshi në një deklaratë për mediat akuzoi Qeverinë se po fsheh numrat realë të infektimeve në shkolla, ndërsa drejtoritë e tyre nuk njoftojnë prindërit për rastet e shfaqura.
