SPAK zgjat me tre muaj hetimet për dosjen e kokainës në oriz, 187 kg kokainë, e kapur në portin e Durrësit, e ardhur nga porti i Pireut të Greqisë.
Për zbulimin e personave të përfshirë në trafikimin e drogës, i është kërkuar autoriteteve greke që të intensifikoj veprimet hetimore për të zbuluar persona të tjerë të implikuar në ngjarje, ndërsa policisë shqiptare SPAK i ka kërkuar që të intensifikoj kërkimet në lidhje me arrestimin e Gentian Malindit, personi i cili dyshohet të jetë pritësi i kokainës në Durrës.
Për Malindin është caktuar “arrest me burg” në mungesë, ndërsa në qeli ndodhen Ardian Bega dhe Altin Myslihaka. Ky i fundit, punonjës i portit.
