Ministrja e Shëndetësisë, Ogerta Manastirliu, tha se askush nuk e dëshiron një mbyllje tjetër, ndërsa shtoi se prandaj njerëzit duhet të zbatojnë rregullat, duke larë duart, ruajtur distancën dhe duke mbajtur maskën.
Ministrja nuk ishte në gjendje të deklaronte nëse mund të kishte ose jo një mbyllje tjetër dhe as të bënte një parashikim se çfarë mund të ndodhte në javët në vazhdim.
Manastirliu duke iu referuar shifrave, tha se në Shqipëri ka 147 mortalitete për 1 milionë banorë, ndërkohë që rastet e infektimit janë mbi 5000 për 1 mln banorë.
“Jemi më poshtë se shifrat që kanë shumë prej vendeve të Rajonit apo të BE-së, qoftë përsa i takon mortaliteteve ashtu edhe për infektimet”, tha manastirliu.
Ajo tha se do të ketë rritje të testimeve, sepse është nevojë e strategjisë për të gjurmuar dhe izoluar rastet e personave të infektuara.
“Kapacitetet tona aq sa kërkon hetimi dhe gjurmimi në territor”, tha Manastirliu.
