Një operacion i madh policor po zhvillohet në Greqi me qëllim kapjen e autorit të dyshuar të vrasjes së dyfishtë në Loutraki.
45-vjeçari shqiptar, që është i dyshuari kryesor është zhdukur pa gjurmë, ndërsa mediat raportojnë se ai mund të jetë rikthyer në vendlindjen e tij.
Masazhistja greke 43-vjeçare kishte vendosur për t’i dhënë fund marrëdhënies me 45-vjeçarin shqiptar dhe kishte nisur një kapitull të ri në jetën e saj, duke ruajtur një marrëdhënie me farmacistin Ioannis Zonitsa.
Sipas të dhënave të deritanishme, 45-vjeçari nuk e pranoi ndarjen e tyre dhe vazhdoi ta shtynte të qëndronin bashkë dhe të martoheshin.
Dyshimet e policisë janë se vrasja është një krim pasioni, ndërsa viktimat u gjetën në shtëpi të zhveshur.
Në banesë nuk kishte asnjë dëmtim, çka tregon se vrasësi kishte një çelës.
Ish-partneri i 43-vjeçares ukrainase, i cili është i njohur për autoritetet, është dënuar për grabitje dhe drogë, sulmoi çiftin në shtëpinë verore të Fotini-Svitlana dhe i vrau me një hanxhar.
