Sergino Dest ka shprehur entuziazmin e tij në rastin për të qenë në fushë si me Lionel Messin ashtu edhe me Cristiano Ronaldon. Shorti i Ligës së Kampionëve e vuri Barcelonën kundër Juventusit në fazën e grupeve dhe Dest nuk mund të presë që të provojë veten kundër më të mirëve.
“Do të jetë një moment i veçantë për të luajtur me Messin dhe kundër Ronaldos,” – tha ai për beIN Sports.
Dest nënshkroi për Barcelonën pak ditë më parë, ndërsa ai nuk e ka fshehur gëzimin e tij për shokët e rinj të skuadrës dhe mundësinë për të qenë pjesë e një klubi historik siç është gjigandi spanjoll. “Të Premten e kaluar pas ndeshjes me Celta Vigo, unë arrita të takoja të gjithë shokët e mi të skuadrës, përfshirë dhe Messin,” shtoi 19-vjeçari.
Gjatë merkatos së verës, Dest u kërkua edhe nga Bayern Munchen, por ai zgjodhi Barcelonën ndërsa tani synimi i tij është të ndjekë gjurmët e Dani Alves atje.
