Ndeshja Kazakistan-Shqipëri e vlefshme për Ligën e Kombeve luhet më 11 tetor. Ndërkohë trajneri i kuqezinjve, Edi Reja ka përgjegjësinë për të zgjedhur 11-shen ideale për të tentuar 3 pikët.
Edi Reja vërtet i ka vënë detyrë vetes që të përgatisë një kombëtare për edicionet e ardhshme, jo thjesht për Ligën e Kombeve, por këtë herë është i detyruar edhe nga rrethanat.
Trajneri italian po mendon për një formacion jo edhe aq të zakonshëm për ndeshjen në Kazakistan, sidomos për fazën ofensive.
Manaj e Broja duken lojtarët e përzgjedhur, pasi ata i duken Rejës më në formë se të tjerët, ndërsa Cikalleshi e Balaj nuk janë thirrur këtë herë. Pas tyre, Çekiçi, një lojtar që vetëm së fundmi e ka bindur 75-vjeçarin se meriton vendin në skuadër.
Në mesfushë, Reja ka disa elementë të përcaktuar si Uzunin, Baren e Abrashin, sidomos me dyshen e qendrës që tashmë e quan titullare.
Përsa i përket portës, kthimi i Etrit Berishës e ka lehtësuar teknikun, që pritet ta hedhë titullar, dhe kapiten në mungesë të Elseid Hysajt të pezulluar.
Përsa i përket mbrojtjes, me rëndësi gatishmëria e Kumbullës, që do të shoqërojë Gjimshitin, ndërsa për lojtarin e tretë duhet zgjedhur mes Dermakut që nuk po aktivizohet tek Parma dhe Mihajt. Ndeshja në Kazakistan luhet në 11 tetor dhe është e vlefshme për Ligën e Kombeve. /abcnews.al
