Milan Skriniar është futbollist i radhës që ka dalë pozitiv me koronavirus te skuadra e Interit. Sllovaku, ashtu si Bastoni (mbrojtësi tjetër zikaltër që rezultoi pozitiv me Covid-19) është asimptomatik por rrezikon të kryejë periudhën e karantinës jo në Itali por në Sllovaki, ku aktualisht gjendet edhe sot e prêt rezultatin e tamponit të dytë të cilit i është nënshtruar.
Në çdo rast për të ashtu si për Bastonin është e sigurt mungesa në derbin me Milan në 17 tetor e madje është njoftuar edhe mungesa në impenjimin e parë të Champions kundër Borussia Moenchengladbach në 21 tetor.
Një problem jo i vogël për Conten, teksa do të ketë në dispozicion vetëm De Vrij të gatshëm në prapavijë, ndërkohë që D’Ambrosio dhe Kolarov pritet të adaptohen në qendër.
