Një ngjarje e rëndë ka ndodhur në Ndroq, Tiranë. Një krim brenda familjes ka ndodhur ku dyshohet se një burrë ka qëlluar me armë zjarri gruan dhe kunatën e tij. Gruaja është gjendur nga policia e plagosur ndërkohë kunata ka ndërruar jetë.
Ende nuk dihen motivet e kësaj ngjarjeje, por thuhet se autori ai ka përdorur një armë gjahu për krimin dhe se kjo ka ndodhur brenda në banesë. Policia ka shkuar në vendngjarje dhe ka nisur hetimet për të. Burimet thonë se kunata ka humbur jetën nga plagët, ndërsa gruaja është në gjendje të rëndë.
Po ashtu, është arrestuar autori i krimit, si edhe është sekuestruar arma e gjahut. Ai pritet që të merret në pyetje nga Policia.
Burimet thonë se autori është Kasem Lila 50¬vjeçar dhe se dyshohet se ai prej kohësh ka vuajtur nga depresioni.
NJOFTIMI I POLICISE
Më datë 22.10.2016, rreth orës 19:30, ka ardhur një telefonatë tek numri i emergjencave 112, ku njoftohemi se në fshatin Çoçaj, në Ndroq, ka pasur një konflikt në familje, ku për pasojë kanë mbetur të plagosura me armë zjarri, dy shtetase. Menjëherë janë dërguar Shërbimet e Komisariatit të Policisë Nr 6 ku bënë të mundur kapjen në flagrancë të shtetasit:
– Kasëm Lila,
Nga hetimet paraprake, dyshohet se ky shtetas pas një konflikti me të vëllain e vet, ka qëlluar me çifte bashkëshorten shtetasen Z. Lila, 50 vjeçe dhe kunaten e vet F. Lila, 40 vjeçe e cila ka ndërruar jetë në S.Q.U ndërsa Z. Lila ndodhet në gjëndje të rëndë për jetën. Grupi hetimor në vendin e ngjarjes po punon për sqarimin e plotë të rrethana.
