Këngëtarja e famshme Mariah Carey ka vendosur të tregojë gjithçka për lidhjet e saj të shkuara para publikimit të autobiografisë. Ajo ka rrëfyer se marrëdhënia me ish të fejuarin miliarder, James Packer, nuk ka pasur rëndësi për të dhe se ajo nuk ka kryer kurrë marrëdhënie seksuale me të.
Në një intervistë për “The Guardian” ajo zbuloi përse kjo marrëdhënie nuk ishte e përfshirë në librin e saj të kujtimeve.
“Nëse do të ishte një marrëdhënie e rëndësishme, është në libër. Nëse jo, nuk ka ndodhur. Ne nuk kishim marrëdhënie fizike, për të qenë e sinqertë me ju”, pranoi Mariah.
Ajo nisi një lidhje me miliarderin në 2015-ën dhe u fejua me të 9 muaj më vonë. Por vetëm 9 muaj pas vendosjes së unazës, ata u ndanë.
Ndërkohë që Carey nuk ka preferuar të flasë, James ka treguar se marrëdhënia me këngëtaren ka qenë shumë toksike dhe prandaj i dhanë fund.
